1983 · song 5
Swarangal paadasarangalil
Credits
- Singer
-
Vani Jairam
Lathika
- Lyricist
- Pappanamkodu Lakshmanan
- Composer
- MK Arjunan
Lyrics
സ്വരങ്ങള്‍ പാദസരങ്ങളില്‍
സപ്തസ്വരങ്ങള്‍ നീലമിഴിയിണയില്‍
അമരേന്ദ്രനുള്ളില്‍ അമൃതം പകര്‍ന്നിടും
അഴകിന്റെ പൊന്നിന്‍ കിരണങ്ങള്‍ ഞങ്ങള്‍
അനുരാഗസംഗീതലോലകള്‍
അഖിലകലകളുണരും ഈ വിപഞ്ചികയില്‍
സ്വരങ്ങള്‍ പാദസരങ്ങളില്‍
യക്ഷകിന്നര ഗന്ധര്‍വ്വഗണങ്ങള്‍
പുഷ്പവൃഷ്ടി ചൊരിയും ഈ സദിരില്‍
അഷ്ടദിക്‍പാലകര്‍ ആ...
അനുഗ്രഹമരുളും ഈ സദിരില്‍
മൃദംഗതാളം പൊന്‍‌തുടിഘോഷം
ഗഗനഗംഗയില്‍ തരളിതമാലതന്‍
ജലതരംഗമേളം
സ്വരങ്ങള്‍ പാദസരങ്ങളില്‍
അപ്സരമോഹന ബന്ധുരനടനം
സ്വപ്‌നകേളിയുണര്‍ത്തും ഈ ശ്രുതിയില്‍
സപ്തഋഷിജാലവും ആ...
തപസ്സില്‍‌നിന്നുണരും ഈ ശ്രുതിയില്‍
തരംഗലോലം തംബുരുനാദം
രജതനൂപുരശിഞ്ജിതധാരയില്‍
രതിയുണര്‍ന്ന രാഗം
സ്വരങ്ങള്‍ പാദസരങ്ങളില്‍
സപ്തസ്വരങ്ങള്‍ നീലമിഴിയിണയില്‍
അമരേന്ദ്രനുള്ളില്‍ അമൃതം പകര്‍ന്നിടും
അഴകിന്റെ പൊന്നിന്‍ കിരണങ്ങള്‍ ഞങ്ങള്‍
അനുരാഗസംഗീതലോലകള്‍
അഖിലകലകളുണരും ഈ വിപഞ്ചികയില്‍
സ്വരങ്ങള്‍ പാദസരങ്ങളില്‍
Published by the catalogue editor. Rights remain with the original creators.