Vivaahanaalil

വിവാഹനാളിൽ പൂവണിപ്പന്തൽ വിണ്ണോളമുയർത്തൂ ശില്പികളേ (2) ഉന്നതശീർഷൻ എന്നാത്മനാഥൻ (2) ഉയരേ പണിയൂ മണിപ്പന്തൽ (വിവാഹനാളിൽ...) നദിയുടെ ഹൃദയം തരളിതമായി നാദസ്വരമേളമുയർന്നൂ വസന്തദൂതികൾ മാകന്ദവനിയിൽ വായ്ക്കുരവയുമായ് വന്നൂ നീലാകാശം ഭൂമിദേവിയ്ക്ക് നീഹാര- മണിഹാരം ചാർത്തീ നീഹാരമണിഹാരം ചാർത്തീ (വിവാഹനാളിൽ...) ലതകൾ നീട്ടും മണിമഞ്ജുഷയിൽ ഋതുകന്യകമാർ പൂനിറച്ചൂ തളിരിതളുകളാൽ വനമേഖലകൾ തമാലതാലങ്ങൾ നിറച്ചു വച്ചൂ സീമന്തരേഖയിൽ ഞാനും നാളെ സിന്ദൂരരേണുക്കൾ ചൂടിനിൽക്കും (വിവാഹനാളിൽ...)