Samvalsarakkili Chodichu

സംവത്സരക്കിളി ചോദിച്ചു സത്യത്തില്‍ മനുഷ്യനെ അറിയാമോ ദൈവത്തിന് സത്യത്തില്‍ മനുഷ്യനെ അറിയാമോ കാലമാം കവിയുടെ പുഷ്പകാവ്യങ്ങളില്‍ പാവം മനുഷ്യന്റെ കഥകളുണ്ടോ - ദുഃഖ കഥകളുണ്ടോ (സംവത്സരക്കിളി..) പഴകി ദ്രവിച്ചതാം പൂണൂലു ചുറ്റിയ പഴഞ്ചന്‍ താളിയോലത്താളില്‍ വെള്ള ഉറുമ്പുകള്‍ ചുംബിച്ചതിന്‍ ബാക്കി വെള്ളിക്കടലാസ്സിനുള്ളില്‍ മതവും ജാതിയും ഉണ്ടെന്നു ദൈവം മനുഷ്യനോടു പറഞ്ഞിട്ടുണ്ടോ -പണ്ട് മനുഷ്യനോടു പറഞ്ഞിട്ടുണ്ടോ ഓ....(സംവത്സരക്കിളി..) കലങ്ങി മറിഞ്ഞതാം കദനം വിങ്ങുന്ന കരളിന്‍ ലോലമാം ഇതളുകളില്‍ കര്‍മ്മസന്യാസത്താല്‍ യോഗം നടത്താന്‍ അരുളിയ ശ്രീമദ് ഭഗവാന്‍ മനുഷ്യനു ചുറ്റും മതിലുകളുണ്ടെന്ന് ഗീതയില്‍ പറഞ്ഞിട്ടുണ്ടോ - പണ്ട് ഗീതയില്‍ പറഞ്ഞിട്ടുണ്ടോ ഓ... (സംവത്സരക്കിളി..)