Shaanthathayengum

ശാന്തതയെങ്ങും ശംഖൊലി ചാര്‍ത്തും ശാദ്വലമാമൊരു ഗ്രാമം കാവും കുളവും കതിരണിവയലും കാവടിയാടും ഗ്രാമം ഓണവും വിഷുവും തിരുവാതിരയും ഓടിക്കളിക്കുമാ നാട്ടില്‍ കുരവയുമാര്‍പ്പും ആരവാരങ്ങളും മാറ്റൊലിക്കൊള്ളുമാ നാട്ടില്‍ നാടോടിപ്പാട്ടിന്റെ താളത്തിലായിരം ബാല്യങ്ങള്‍ മൊട്ടിട്ട കാലം ധ്യാനിച്ചുണരുന്ന കൂരകള്‍ക്കുള്ളിലും ജീവിതം പൂവിട്ട കാലം ആ മിഴിനീര്‍മണി പൂക്കളാല്‍ ഞാന്‍ തീര്‍ത്ത മാല്യമാണീ സമാഹാരം ഈറനാണെങ്കിലും ഈണം വിതുമ്പുമീ സ്നേഹോപഹാര സംഗീതം ആ വീണപൂവിന്റെ ആത്മാവിനെന്നെന്നും ആശ്വാസമായിരുന്നെങ്കില്‍