Unnipponkavililorumma

ഉണ്ണിപ്പൂങ്കവിളിലൊരുമ്മ കന്നിപ്പൂ മിഴികളിലുമ്മ അമ്മയ്ക്ക് മാറത്ത് തൂമുത്ത് നീ അച്ഛന്റെ മോഹത്തിൻ പൂമൊട്ട് ( ഉണ്ണി..)   അമ്പാടിമണിപ്പൈതൽ വിരുന്നു വന്നൂ ഇന്ന് പഞ്ചാരപാലമൃതു  പകർന്നു തന്നൂ അമ്പിളിക്കിളിക്കുഞ്ഞു പറന്നു വന്നൂ താഴെ അമ്മാനക്കളിപന്തിതാരെറിഞ്ഞൂആ..ആ...ആ.. (ഉണ്ണി..)   താഴം പൂ  മെടഞ്ഞൊരു തടുക്കു വെയ്ക്കും ഉണ്ണി താമരപ്പട്ടുടുത്തു പടിഞ്ഞിരിക്കും തച്ചോളിക്കഥ പാടിയുടുക്കു കൊട്ടും പെരുംതച്ചന്റെ കഥ കേട്ടു കരഞ്ഞുറങ്ങും (ഉണ്ണി..)