Izhanonthu Thakarnnoru

ഇഴനൊന്തു തകർന്നൊരു മണിവീണ ഞാൻ  ഇടനെഞ്ചിൽ അപശ്രുതി മാത്രം  ഇതൾ വാടിക്കരിയുന്ന കദളീമുകുളം  ഹൃദയത്തിൽ എരിവേനൽ മാത്രം - എൻ  ഹൃദയത്തിൽ എരിവേനൽ മാത്രം  (ഇഴനൊന്തു..)  നെടുവീർപ്പിൻ താളമായ്‌ ഇതു വഴി ഒഴുകും  ചുടലപ്പറമ്പിലെ കാറ്റേ  പുണരൂ വന്നെന്നെ പുണരൂ  പുണരൂ വന്നെന്നെ പുണരൂ  സ്വരരാഗമധുരിമ ചൂടിയ കാറ്റേ  ഗന്ധർവ്വ ഗാനത്തിൻ അന്തിമ പാദമേ  ചിന്തകളിൽ വീണുറയൂ  (ഇഴനൊന്തു..)  ചിരകാല മോഹങ്ങൾ തോരണം ചാർത്തുമെൻ  ചിത്രമനോരഥ പഥമേ  മറക്കൂ സർവ്വവും മറക്കൂ  മറക്കൂ സർവ്വവും മറക്കൂ  നിറദീപമണഞ്ഞു തിമിരമായ്‌ മുന്നിൽ  പിടയരുതേ തേങ്ങി വിതുമ്പരുതേ  എൻ കരളാം ചിറകറ്റ കിളിയേ  (ഇഴനൊന്തു..)