Daivaputhranu

ദൈവ പുത്രനു വീഥിയൊരുക്കുവാൻ സ്നാപകയോഹന്നാൻ വന്നൂ ആയിരമായിരം ആലംബഹീനരെ ജ്ഞാനസ്നാനം ചെയ്യിച്ചൂ (ദൈവ പുത്രനു ..) ആ സ്നാപകന്റെ സ്വരം കേട്ടുണർന്നൂ യോർദ്ദാൻ നദിയുടെ തീരം ചക്രവാളം തൊട്ടു ചക്രവാളം വരെ ശബ്ദക്കൊടുങ്കാറ്റുയർന്നൂ അന്ന് ശബ്ദക്കൊടുങ്കാറ്റുയർന്നൂ (ദൈവ പുത്രനു ..) ആ കൊടുങ്കാറ്റിൻ ചിറകടി കേൾക്കാത്ത ചക്രവർത്തീ പദമില്ല ആ കൊടുങ്കാറ്റിൽ ഇളകിത്തെറിക്കാത്ത രത്ന സിംഹാസനമില്ല ഹെരോദിയാസിന്റെ അന്തപ്പുരത്തിലെ രാജകുമാരി സലോമി യോഹന്നാന്റെ ശിരസ്സറുത്തന്നൊരു മോഹിനിയാട്ടം നടത്തീ ഓ... ഓ.... (ദൈവ പുത്രനു ..) അന്നു സലോമിയെ ദൈവം ശപിച്ചൂ കണ്ണിൽ കനലുകളോടെ നിത്യ ദു:ഖത്തിന്റെ മുൾക്കിരീടങ്ങളെ നിങ്ങൾക്കണിയുവാൻ കിട്ടൂ എന്നും നിങ്ങൾക്കണിയുവാൻ കിട്ടൂ (ദൈവ പുത്രനു ..)