Aalimali Aattinkarayil

ആലീമാലീ ആറ്റുംകരയില്‍  അമ്പലപ്രാവിന്‍ മുളംകൂട്ടില്‍  സ്വപ്നസരസ്സിന്‍ കടവില്‍ നിന്നൊരു  സ്വര്‍ഗ്ഗവാതില്‍ക്കിളി വന്നു  (ആലീമാലീ..) ചെമ്പകപ്പൂമരം പൂക്കും കാലം ചന്ദനം പൂക്കുന്നകാലം  ചന്ദനം പൂക്കുന്നകാലം (ചെമ്പക) അവള്‍ അന്തപ്പുരത്തില്‍...  അവള്‍ അന്തപ്പുരത്തില്‍ അവനു വിരിച്ചു - അന്നത്തൂവല്‍ പൂമെത്ത  തിങ്കളുറങ്ങുമ്പോള്‍ ഇളംതെന്നലുറങ്ങുമ്പോള്‍  അവന്‍ മുന്തിരിച്ചുണ്ടില്‍ മൂളിപ്പാട്ടുമായ്  മിണ്ടാതെ എങ്ങോപോയ്‌  (ആലീമാലീ..)  കണ്ണുനീര്‍പൊയ്കകള്‍ നിറയും കാലം കാര്‍മുകില്‍ പെയ്യുന്ന കാലം കാര്‍മുകില്‍ പെയ്യുന്ന കാലം (കണ്ണുനീര്‍) പിന്നെ പൊന്മുളംകൂട്ടില്‍... പിന്നെ പൊന്മുളംകൂട്ടില്‍ പിച്ച നടന്നൂ അമ്മപ്രാവിന്‍ പൊൻകുഞ്ഞ് തിങ്കളുദിയ്ക്കുമ്പോള്‍ - ഇന്ന് തെന്നല്‍ വിളിയ്ക്കുമ്പോള്‍ കൊഞ്ചും ഇത്തിരിച്ചുണ്ടില്‍ മുത്തം നല്‍കുവാന്‍ അച്ഛനിനിന്നില്ലല്ലോ  (ആലീമാലീ..)