Oru Maamarathinte

ഒരു മാമരത്തിന്റെ നെറുകിൽ കുറുമ്പൊടെ  തളിരിലകൾ മൂളും ചില്ലിൽ നിറമാർന്ന ചിറകോടെ പലദൂരതീരത്തെ  ചെറുകിളികൾ ഒന്നായ് വന്നു  പലവർണ്ണനൂലും മിനുപ്പാർന്ന തൂവലും  ഇഴചേർത്തു ചേലിൽ കൂടുകെട്ടി  മരമേകുമോരോ തുടുപ്പുള്ള തേൻപഴം  ചിരിയോടെ തമ്മിൽ പങ്കുവെച്ചു  ഒരു മാമരത്തിന്റെ നെറുകിൽ കുറുമ്പൊടെ  തളിരിലകൾ മൂളും ചില്ലിൽ മുകിലോളമെത്തും കൈ നീട്ടി മാമരം  വെയിലിന്റെ ചൂടറിയാത്തണൽ വിരിച്ചു  ഒരു പാട്ടിനീണം തൂവുന്നു ചുണ്ടുകൾ  മരുകൊമ്പിലിരുകിളികൾ കുഴൽ വിളിച്ചു  കുറുകിയും ചിറകുരുമ്മിയും  പലരുമെത്തിയോരോ കോണിൽ  നറുമണം ചിതറിയിതുവഴി  കഥമെനഞ്ഞ കാറ്റും വന്നു      ആനന്ദതാളം മണ്ണിൽ പൂപോലെ വിരിഞ്ഞു നിന്നൂ  ഒരു മാമരത്തിന്റെ നെറുകിൽ കുറുമ്പൊടെ  തളിരിലകൾ മൂളും ചില്ലിൽ ഇമചിമ്മിടുമ്പോൾ ഓരോ കനവുകൾ തൂവലായ് പറന്നുപോവതെങ്ങോ  പകലിന്റെ തേരിൽ ഓരോ നിനവുകൾ  ചിറകടിച്ചലഞ്ഞുപോവതെങ്ങോ  കരുതിടും പ്രതീക്ഷയോടെ കിളികൾ പോയെങ്ങോ  ഇതുവരെ ഒഴുകി നമ്മളെല്ലാമൊന്നായ് നാളെ  പറക്കാനിതേതുതീരമോ ഈ രാവും ദൂരെ മായവേ  ഒരു മാമരത്തിന്റെ നെറുകിൽ കുറുമ്പൊടെ  തളിരിലകൾ മൂളും ചില്ലിൽ നിറമാർന്ന ചിറകോടെ പലദൂരതീരത്തെ  ചെറുകിളികൾ ഒന്നായ് വന്നു  പലവർണ്ണനൂലും മിനുപ്പാർന്ന തൂവലും  ഇഴചേർത്തു ചേലിൽ കൂടുകെട്ടി  മരമേകുമോരോ തുടുപ്പുള്ള തേൻപഴം  ചിരിയോടെ തമ്മിൽ പങ്കുവെച്ചു