1968 · song 1
Karayum Kadalthirayum
Credits
- Singer
-
KJ Yesudas
- Lyricist
- P Bhaskaran
- Composer
-
MS Baburaj
Lyrics
കരയും - കടല്‍ത്തിരയും
കിളിമാസു കളിയ്ക്കും നേരം...
കരയും കടല്‍ത്തിരയും
കിളിമാസുകളിയ്ക്കും നേരം
ഈ ഹൃദയം - എന്‍ഹൃദയസഖീ നിന്‍
പിറകേ ഓടിവരുന്നൂ - നിൻ
പിറകേ ഓടിവരുന്നൂ
(കരയും... )
മുകളില്‍ വെണ്മുകിലില്‍
വാല്‍ക്കണ്ണാടി നോക്കി സന്ധ്യ
എന്‍മിഴികള്‍ നിന്‍മിഴിയില്‍ നോക്കി
സ്വപ്നവിഭൂഷകള്‍ ചാര്‍ത്തി (മുകളില്‍)
(കരയും... )
കടലും തെളിമണലും
കളിയാടും പ്രേമവിനോദം (2)
അകലെ കണ്‍കുളിരെ - കണ്ടു
ഗഗനം നില്‍ക്കുകയല്ലോ (2)
നിന്‍ കവിളില്‍ നാണമെഴുതും
നവസിന്ദൂരരേഖകള്‍ കാണ്‍കെ (2)
കരളില്‍ - മലരിതളില്‍
പല കവിതകളെഴുതീ രാഗം
കരയും കടല്‍ത്തിരയും
കിളിമാസുകളിയ്ക്കും നേരം
ഈ ഹൃദയം - എന്‍ഹൃദയസഖീ നിന്‍
പിറകേ ഓടിവരുന്നൂ - നിൻ
പിറകേ ഓടിവരുന്നൂ
Published by the catalogue editor. Rights remain with the original creators.