Chirimukilum

ചിരിമുകിലും മറന്നു പോയ്  മിഴി നിറയുന്നിതാ   കനവുകളും പറന്നു ദൂരെ വിട പറയുന്നിതാ  പുലരികൾ പൊഴിയവേ രാവായ്  മാറിയോ ദിനം  മൊഴികളാൽ മുറിയവേ താനേ  തേങ്ങിയോ മനം നിഴലേ  നീ മാത്രമൊപ്പം  ( ചിരിമുകിലും ... ) കണ്ണാടി മുത്തായ്‌ നെഞ്ചിൻ ചെറു ചൂടിൽ ചിറകാർന്ന പ്രാവുകൾ മിണ്ടാതെ എങ്ങോ മുന്നിൽ  ഇരുളേകി മറയുന്നതെന്തിനോ   ഒരായിരം ഓർമ്മകൾ താലോടിയോ ആദ്രമായ് നിരാശ മൂടുകയോ നിലാവു കൊള്ളുകയോ  ( ചിരിമുകിലും ... ) ആരോരുമില്ലാ വിണ്ണിൻ മണിക്കൂടിൽ   മുറിവേറ്റ താരകം തേടുന്നുവേതോ നേരിൻ തിരിനാളം അറിയാത്ത പാതയിൽ  വിമൂകമീ കണ്ണുകൾ വിതുമ്പിയോ  പിന്നെയും  അലഞ്ഞു നീ തനിയെ വിലോലമീ വഴിയേ ( ചിരിമുകിലും ... )