Madhurikkum Ormakale

മധുരിക്കും ഓര്‍മ്മകളേ പ്രേമയമുനയിലലതല്ലും ഓളങ്ങളേ  മധുരിക്കും ഓര്‍മ്മകളേ പിരിയുമ്പോ‍ളൊരു വാക്കും ഉരിയാടാനൊക്കാത്ത പ്രിയയുടെ ചിത്രം ഒന്നെഴുതിയാലും കരിമുകിൽ മാലയിൽ ദൂരത്ത് ദൂരത്ത് കനക നക്ഷത്രം തെളിഞ്ഞിടുമ്പോൾ കവിളത്ത് കണ്ണുനീർ മുത്തുമായ് നിൽക്കുന്ന സഖിയെ ഞാൻ കാണുന്നു കണ്മുനയിൽ  മധുരിക്കും ഓര്‍മ്മകളേ കരയുവാൻ വെമ്പുന്ന ചുണ്ടുമായ് പാ‍തിരാ- മലരുകൾ നിശബ്ദം നോക്കി നിൽക്കേ പിരിയുന്ന നേരത്ത് ഞങ്ങളിൽ തിങ്ങിയ വിരഹത്തിൻ ശോകം ഞാനോർമ്മിക്കുന്നു  മധുരിക്കും ഓര്‍മ്മകളേ പ്രേമയമുനയിലലതല്ലും ഓളങ്ങളേ  മധുരിക്കും ഓര്‍മ്മകളേ