Pookkilanjorivechu

പൂക്കില ഞൊറി വെച്ച് പൊന്നുംനൂലിഴ കോർത്ത് കുഞ്ഞുടുപ്പു തുന്നുന്ന പൊൻമുകിലേ കടിഞ്ഞൂൽ മുത്തിനു കൊടുക്കാനോ - ഇതു കന്നിനിലാവിനുടുക്കാനോ (പൂക്കില..) മാമ്പൂക്കൾ വിടരുമ്പോൾ മകരം പിറക്കുമ്പോൾ മറ്റൊരു മുത്തിന്റെയമ്മയാകും - ഞാൻ മറ്റൊരു മുത്തിന്റെയമ്മയാകും പനിനീരിൽ കുളിപ്പിക്കും പാദസരമണിയിക്കും പുലിയാമോതിരം ചാർത്തും ഞാൻ (പൂക്കില..) അമ്പലപ്പുഴയിലെ അഷ്ടമിരോഹിണി നാൾ അമ്മിണിക്കുഞ്ഞിനെ കൊണ്ടു പോകും - ഞാൻ അമ്മിണിക്കുഞ്ഞിനെ കൊണ്ടു പോകും കദളിക്കുല കൊണ്ട് തുലാഭാരം നടത്തും ഞാൻ കുഞ്ഞിനു ചോറു കൊടുക്കും - ഞാൻ കുഞ്ഞിനു ചോറു കൊടുക്കും (പൂക്കില..)