Ithente Raktham

ഇതെന്റെ രക്തം ഇതെന്റെ മാംസം ഇതെന്റെ ജീവിത ബലിദാനം വേർപ്പു കലർന്നു കലങ്ങിയ ചോരചോപ്പിൽ സന്ധ്യ ചുവക്കുമ്പോൾ ഉയിരു തരുന്നു ഞാൻ പ്രിയജനമേ എടുത്തുകൊള്ളൂ മതിയോളം ഇതെന്റെ രക്തം ഓരോ മുറിവിലും ഓരോ സ്വർഗ്ഗം നിറച്ചുവച്ചു നിങ്ങൾക്കായി പൊറുക്കണം നീ എന്റെ പിതാവേ എടുക്കയാണിവരെൻ ഹൃദയം പരിശുദ്ധത്മാവിവരോടെന്റെ ജനത്തോടങ്ങ്‌ ക്ഷമിക്കണമേ ഇവർ ചെയ്യുന്നതും ഇവർ അറിയുന്നില്ലി ഇവരോടങ്ങ് പൊറുക്കേണമേ ഇതെന്റെ രക്തം മാനവപാപച്ചുമടും താങ്ങി വേദനമാമല കയറുമ്പോൾ കാറ്റും കടലും ഗാഗുൽത്തായും കണ്ണീർമഴയിൽ നനയുമ്പോൾ അറിവില്ലാത്തവരാണിവരറിവിൻ മുറിവുകൾ എന്നിൽ നിറയ്ക്കുമ്പോൾ അവരുടെ കൈകൾ മുറിയാതവരെ കാക്കണമേ നീ പിതാവേ ഇതെന്റെ രക്തം ഇതെന്റെ മാംസം ഇതെന്റെ ജീവിത ബലിദാനം വേർപ്പു കലർന്നു കലങ്ങിയ ചോരചോപ്പിൽ സന്ധ്യ ചുവക്കുമ്പോൾ ഉയിരു തരുന്നു ഞാൻ പ്രിയജനമേ എടുത്തുകൊള്ളൂ മതിയോളം ഇതെന്റെ രക്തം