Panineeru Thoovunna

പനിനീരു തൂവുന്ന പൂനിലാവേ പതിനേഴു താണ്ടിയ പെൺകിടാവേ മാനസം കണികാണും മാരിവില്ലേ മായല്ലേ നീയെന്റെ ജീവനല്ലേ (പനിനീരു...) ഇല്ലില്ലം കാവിലിന്നു കാത്തിരുന്നു പിന്നെ - അല്ലിപ്പൂംകുളങ്ങരെ കാത്തിരുന്നു (ഇല്ലില്ലം..) കാണുന്ന നേരത്ത് നാണിപ്പതെന്തിനോ കാനനക്കിളിപോലെ ഓടുന്നതെന്തിനോ (പനിനീരു...) പൂവായ പൂവെല്ലാം ചേർത്ത് വെച്ചു നിന്നെ പൂജിയ്ക്കാൻ പൂമാല കോർത്തു വെച്ചു (പൂവായ..) ആശതൻ കോവിലിൽ അനുരാഗദീപത്തിൻ ആയിരം തിരിയുമായ് കാക്കുന്നു നിന്നെ ഞാൻ (പനിനീരു...)