Kannillengilum

കണ്ണില്ലെങ്കിലും കരളിൻ കണ്ണിനാൽ കണ്ണനെ ഞാനിന്നു കണ്ടൂ - എന്റെ രാധാരമണനെ കണ്ടൂ (കണ്ണില്ലെങ്കിലും..) സങ്കല്പചോരനെ സൗന്ദര്യരൂപനെ സംഗീതക്കാരനെ കണ്ടൂ - എന്റെ സായൂജ്യനാഥനെ കണ്ടൂ  (കണ്ണില്ലെങ്കിലും..) ഭാവനായമുന തൻ തീരെ പൂത്ത പൂവള്ളിക്കുടിലിന്റെ ചാരെ രാഗാർദ്രചിത്തനായ് പാടിയിരിക്കുമെൻ രാധാരമണനെ കണ്ടൂ (കണ്ണില്ലെങ്കിലും..) നീലക്കടൽ വർണ്ണമുണ്ടോ ആവോ പീലിച്ചുരുൾമുടിയുണ്ടോ കോലക്കുഴലിന്റെ നാദത്തിലൂടെ - ഞാൻ കോമളരൂപനെ കണ്ടു  (കണ്ണില്ലെങ്കിലും..)