Veyilinte

വെയിലിന്റെ ഒരു തൂവൽ മാത്രം മറന്നിട്ട് വേനൽക്കിനാക്കിളി കൂടൊഴിഞ്ഞു ഒരു തുള്ളി നീല നിലാവെളിച്ചം തേടി വാനിന്റെ ഇരുളിൽ തളർന്നലഞ്ഞു (വെയിലിന്റെ) സന്ധ്യയും നക്ഷത്രരാത്രിയുമാച്ചെറു- സങ്കടപ്പക്ഷിയെ കൈയൊഴിഞ്ഞു കാറ്റിന്റെ വാതിലിൽ മുട്ടിവിളിച്ചപ്പോൾ കാണാത്ത ഭാവത്തിൽ മുഖം തിരിച്ചു (വെയിലിന്റെ) ആഞ്ഞിലിക്കൊമ്പത്തെ കുഞ്ഞരിപ്രാവുകൾ പിഞ്ചിളം കൊഞ്ചലാൽ പരിഹസിച്ചു നോവും കിനാവുമായ് മെല്ലെയാ രാപ്പാടി മഞ്ഞുനീർത്തുള്ളിപോൽ മാഞ്ഞുപോയി (വെയിലിന്റെ)