Anubhoothi Thazhuki [D]

അനുഭൂതി തഴുകി ആദ്യവർഷമേഘം ആത്മാവിലെഴുതി ഭാവന (2) കവിതേ നിന്നുടയാട നെയ്തൂ താഴ്വരചോല മേലേ മഴമുകിൽ മാല നീളേ കുളിരൊളിമാല (അനുഭൂതി...) മജ്ഞീരമണിയും മഞ്ജുളലയമോടെ മാലേയമണിയും മഞ്ജിമയോടെ മകരന്ദമൊഴുകും മണിമഞ്ജുഷ പോലെ മതിലേഖ മുകരും മാൻ മിഴി പോലെ ഹിമകണമതിലലിയുന്നൂ ആ...ആ.ആ.ആ നിറപൗർണ്ണമി നീയെന്നും ആ..ആ.ആ.ആ ഏകാന്തതേയെൻ ഭാവമായ് കനവുകളിൽ നിനവുകളിൽ കുളിരു കോരി നീ (അനുഭൂതി..) സംഗീതമുണരും സ്വരമുരളിക പോലെ സായൂജ്യമണിയും സാധന പോലെ സൗന്ദര്യലഹരി സൗപർണ്ണിക പോലെ സാഫല്യമേകും സുഷമകൾ പോലെ മിഴിയിണകളിലണയുന്നു ആ..ആ.ആ.ആ.ആ വരവർണ്ണിനീ നീയെന്നും ആ..ആ.ആ ശാലീനതേ എൻ ജീവനിൽ ഇരവുകളിൽ പകലുകളിൽ തളിരു ചൂടി നീ (അനുഭൂതി..)